Өлеңдер ✍️

Көктем келе жатыр ма,
тауға, жаным, қарашы,
күттірді ғой көп мені,
көрінбестен қарасы.
Соншама ұзақ болып па
Алатау мен ағарған
Алматының арасы.
Алатаудан аспаса
неге сонша жүрді екен,
ағаштарда ашылмай
жатқан әлде бүр ме екен.
Күтулі ғой көктемін,
күткендей-ақ бақытын,
жарқыл қақпақ бұл мекен
Күтуліміз бәріміз,
кешікпестен келер деп,
лүпілдеген жүректі,
көңілді де елер деп.
Үлпілдеген гүл болып,
үлбіреген қыз болып,
құшақтарға енер деп...