Өлеңдер ✍️
Өлеңдер ✍️
12.05.2022
129
Өмір, өмір, сен барда алаңдаман..
Өмір, өмір, сен барда алаңдаман,
сен алдамшы емессің жалаңдаған.
Айнымаған,
айнымай тартып туған,
мен әкеме ұқсасам,
балам – маған.
Бойдақ күнгі лап етпе ұят қалып...
Көкіректен құбылтып күй ақтарып.
Балам жатыр жап-жайлы төсегінде,
менің құйттай макетім сияқтанып.
Жұтамын да құмарта исі-демін,
өлмес өмір жалғасын түйсінемін.
Әкем маған қарай сап, шүкір десе,
мен балама қарай сап сүйсінемін.
Әлеуметтік желілерде бөлісіңіз:
Facebook | VK | WhatsApp | Telegram | Twitter