Өлеңдер ✍️

  12.05.2022
  182


Автор: Сабырхан Асанов

Ай мен Күннің арасындай, қарашы...

Ай мен Күннің арасындай, қарашы;
Жүрегің мен жүрегімнің арасы,
бір-біріне сәуле жолдап, нұр шашып,
күндіз-түні тұрар жайнап жарасып.
Тілегің мен тілегімнің арасы,
Ай мен Күннің арасындай, қарашы;
бір-бірінен аулақ жүріп, шет кетіп,
бір рет те көрген емес адасып.
Жалын атып жаныңмен де, тәніңмен,
сен бір шетте,
мен бір шетте жанып ем...
Бекіп берік,
байланғанбыз біз мәңгі,
бар әлемдік тартылыстың заңымен!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу