Өлеңдер ✍️

Кешір, жаным,
мен иттік еттім білем,
бақытымды басына тептіп білем.
Есебі жоқ, есі жоқ екпінменен,
Адамдықтан алыстап кеттім білем.
Кешір, жаным,
егерде кешіре алсаң,
қысыламын сол күнді есіме алсам.
Арсыз басты алдыңа тостым міне,
тостым міне, өзің біл кесіп алсаң.
Содан бері дөңгелеп жиі өтті күн,
көкіректі кернеген сияқты мұң,
Сеніміңді бір сенің ақтамаған,
алдыңда мен өлшеусіз ұяттымын.
Қыздырады лаулатып отын ішім,
қу жанымды жеп қойды өкінішім.
Кешір, жаным,
бұл менің саған айтқан,
болар, мүмкін, ең соңғы өтінішім...