Өлеңдер ✍️

  12.05.2022
  100


Автор: Сабырхан Асанов

Күндеу

Сыйлықты
бермейді екен, алады екен,
алмағандар
сыйлықсыз қалады екен.
Әлде бұл
мен сияқты Жалқаулардың,
ойларынан
шығарған жала ма екен.
Өлең жазу
болмасын ата кәсіп,
сұлу саздар
кеудемнен жатады есіп...
Сыйлықтыны
мықты деп, сыйлықсызды
нашар десіп,
жатар жұрт қателесіп.
Деп жүрсем мен
өмірді жыр етермін,
сыйлықсыздар
сапында жүр екенмін.
Болу үшін бағалы сол сыйлықтын,
алу керек
сияқты бір-екеуін.
Соны ойласам
кетеді ысып қаным
көздеріңді
қуланбай қысып бәрін,
үйретсеңдер жол-жөнін қайтер екен,
сыйлықтарды
сыпырған пысықтарым.
Қарайды
жасырғандай балам да сыр,
Сол сәтте
кәдімгідей қалам жасып.
Мұқағали
секілді аңқау едім,
жалқау едім,
жан едім алаңғасар...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу