Өлеңдер ✍️

  12.05.2022
  80


Автор: Сабырхан Асанов

Бар сырымды алып кетіп...

Бар сырымды алып кетіп
қайтем бірге көрге мен,
дауыл күнгі қырандай боп,
өрле өлең-ау, өрле өлең.
білгенімді, сезгенімді
айтып, айтып кетейін,
қажеті не көргеніңді
болғандай-ақ көрмеген.
Айтармын-ау кейде шектен,
шеттен мүлде асырып,
ал, кейбірде көңіліме
су сепкеңдей басылып.
Қанша айтсам да, сені жақсы
көргендіктен адамзат,
бір мініңді мен бәрі бір
қалармын-ау жасырып...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу