Өлеңдер ✍️

  12.05.2022
  70


Автор: Сабырхан Асанов

Өлең, өлең, өлеңдерім, өлмес үшін өңгенім...

Өлең, өлең, өлеңдерім, өлмес
үшін өңгенім,
қысқа біткен өмірім бар
өміріндей өңгенің
қысқа біткен өміріме қарап
біраз тұрдым да
шарт бұзылдым, сойқан салдым
қысқалыққа көнбедім.
Сондықтан да сендер тура мәңгілікке
тартыңдар
кездескенге дей көрмеңдер
жастарың бар, қартың бар,
Келер ұрпақ, келер заман
алдарыңа тұра ғап
Барлығына мына жайды
жария ғып айтыңдар:
Бір аяқ кеп жер бетіне
жүре-жүре өтті деп,
бір тіл келіп дүниеге сайрап,
сайрап бітті деп,
бір бас келіп дүниеге
ойлап-ойлап кетті деп,
Көргеніне, білгеніне мың
шүкіршілік етті деп.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу