Өлеңдер ✍️

Төгіледі жыр бүгін жүрегімнен
төгіледі нұр бүгін жүрегімнен.
Кімге айналып барамын, құдайым-ау,
кеше ғана көп жанның бірі едім мен.
Күнім бар еді күніндей дуананың,
көздерімнен толқындап туады ағын.
Күнге айналып барам ба, күнге айналып,
осыншама мен неге қуанамын.
Құшағына алады өлең кең боп,
қызықтайтын сияқты оны өлкем көп.
Күнге айналып кеттім бе, күнге айналып,
күншуағым болғанмен,
көлеңкем жоқ...