Өлеңдер ✍️

  12.05.2022
  71


Автор: Сабырхан Асанов

Бір сергектік бітті де бойға мына...

Бір сергектік
бітті де бойға мына,
біраз болды
ұйқыны қойғаныма.
Түн дегенің
тып-тыныш тамаша екен,
сен туралы
жазуға, ойлануға.
Ойлануға тым құмар ел екенбіз,
ойменен ғана кірердей берекеміз.
Қыз-жігіттер
күлімдеп оңашада
отырғандай
боламыз тек екеуміз.
Отырғаңдай боламыз
ойнап-күліп,
орнымыздан
бір кезде жайлап тұрып,
бір адамы қалмаған
бақ ішіне,
кеткендей де боламыз
бойлап кіріп.
Бұл дүние
құшағын ашады кең,
ып-ыстық
теске-төс басады екен.
...Сезгенінде
бақытын, сенгенінде,
бұл адамнан ұйқы да
қашады екен.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу