Өлеңдер ✍️

Артта қалған бақтардан,
құлағымда қалды ызың.
Жаны аппақ ақ таңнан,
жарым менің, жалғызым.
Бір жүрген күн жетерлік,
басып өттік жолды ұзын.
Соған шүкір етелік,
жарым менің, жалғызым.
Өңім түгіл,
түсімде,
ажырамай арамыз,
қалың елдің ішінде,
қол ұстасып барамыз.
Әлге дейін жастаймыз,
арманға әлі ереміз.
Келер күннен саспаймыз
бірге кете береміз.
Сенің жылы сөзіңсіз,
қалай тірлік етермін.
Жалғыз кетсем өзіңсіз,
керге ғана кетермін...