Өлеңдер ✍️

Сені ұнатқан,
сені сүйген жандарды,
сезгіш жүрек
алыстан-ақ аңғарды.
Құлай жаздап
құлай жаздап барып та,
құламастан
қалғаныңа таң қалды.
Түн боп талай
кете жаздап күндізім,
жер бетіне
толқи түсіп жүрді ізің.
Басқалардың
ай мен күні сеніп қап,
жап-жарық боп
шыға келді жұлдызым.
Тұла бойды
шарпып өтсе бір жалын,
қорғасындай балқып қана тұр жаным.
Көк тиынға
қажет емес патшалық,
өстіп өткен өміріме
ырзамын.
Мың мәртебе ырзамын!