Өлеңдер ✍️

Жұлдыз
аман-есен бе,
қайта
келдім алдыңа.
Қарсы тұрар кеселге,
менде
әл-дірман қалды ма?
Қайта шапқан
жау жаман,
тәлтіректеп
қалдым мен.
Тиып жырды саулаған,
демімді әрең
алдым мен.
Қайта оралдым шағыма
батпақ– ойға малтыққан.
Демеп жібер тағы да,
демеп жібер
қолтықтан.
Жан-жағыма жалтақтап,
ұшпай босқа үрейім,
баяғыдай шалқақтап,
шалқып басып жүрейін.
Қолды созып тандарға,
жияйын нұр көзіме.
Сен барда әрі
мен барда
тыным болмас
өзіңе.
Келем саған келемін,
жазда келем, күз келем.
Бақыттарын мен едім,
жұлдыздардан іздеген.