Өлеңдер ✍️

Кім ойлаған
теңізді жоқтаймын деп
Оны жоқтау
болып тұр оттай міндет.
Қасында оның
көрінер тамшыдай боп,
көкірегімді қысса де көп қайғым кеп.
Арал, Арал,
түзеліп кетермісің.
Сөйтіп бір күн шүкірлік етермісің.
Құм боп ұшып,
аспаннан тұз боп жауып,
түбіне әлде
халқымның жетермісің.
Танда самал
төсіңнен тұрсын есіп,
Бұл қалпында
қалайша кірсін есің.
Кең даламның
денесін қалтыратып,
Күрсінесің,
тым қатты күрсінесің...