Өлеңдер ✍️

  12.05.2022
  106


Автор: Сабырхан Асанов

Сен ұлысың дегенмен, тірілмеді ұлы Абай...

Сен ұлысың дегенмен,
тірілмеді ұлы Абай,
менің жалғыз жебеушім,
пірім еді ұлы Абай.
Аты оның аталып,
жатқан сайын ауызда,
ескерткіші шайқалып,
әрең тұрды құламай.
Сен ұлысың дегенмен,
Абай қайтіп келмеді,
Мынау ұлан құрметті
өз көзімен көрмеді.
Ұлыларды жаратып,
Одан кейін өлтіріп,
одан кейін іздету
бұл өмірге жөн бе еді?!
Қуанамыз қазақ боп,
аты оның өрлесе,
шырқап жатыр жырларын,
шырқап жатыр ел неше.
Жалғыз ғана өкініш –
ортамызда өзі жоқ...
Тумаса екен ұлылар,
туса, қайтып өлмесе!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу