Өлеңдер ✍️

Жап-жас қыздай қайтесің бұлғалаңдап,
тап сол үшін көңілім тұрды алаңдап.
Жақсы дейсің ана ақын, мына ақынды,
менен жақсы ақын жоқ бұл ғаламда.
Көрінгенмен кей-кейде аласарып,
жолымды мен келемін дара салып.
Ескерткіш боп қалуға дайын тұрмын,
бір алаңға ақырын бара салып.
Мен емеспін жөн сөзден тартынатын,
тиіп кетіп жүрмесін қартыңа тым.
Бір әйелге болмайды бұл жалғанда,
өз жарынан мықты ақын, артық ақын!