Өлеңдер ✍️

  12.05.2022
  252


Автор: Сабырхан Асанов

Бір ерлік жасағым келеді...

Бір ерлік жасағым келеді,
оқпен емес, сөзбенен.
Бір ерлік жасағым келеді,
көріп тоймас көзбенен.
Бір ерлік жасағым келеді,
тұрып қалар тұғырда.
бір ерлік жасағым келеді,
ұмытылмас ғұмырда.
Бір ерлік жасағым келеді,
жердің беті таң қалар.
Бір ерлік жасағым келеді,
нұрын себер жанға бар.
Бір ерлік жасағым келеді,
дейтін: алғыс үйсін ел.
Бір ерлік жасағым келеді,
жаным, өзің сүйсінер.
Жылдармен жарысып желемін,
жасқа жеттім елерлік.
Таптырар бір күн деп келемін,
таптырмайтын сол ерлік.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу