Өлеңдер ✍️

Өтіп жатыр,
өтіп жатыр босқа күн,
амалсыздан айтам мұны, достарым.
Қазағымның қасиетті жырына,
көрік болар бір ауыз сөз қоспадым.
Өтіп жатыр ұйықтап, тұрып, шәй ішіп,
жана алмаған жалын жүрек жәй ысып.
Өтіп жатыр қара көзін төңкеріп,
қарсы алдымда қыз тұрмастан майысып.
Өтіп жатыр көше кезіп, сарсылып,
шеке шып-шып,
кең дүниені тарсынып.
Өтіп жатыр,
бәрін біліп тұрғанмен,
қайрат-жігер көрсете алмай қарсылық.
Қашан бітер,
қашан бітер бұл әурең,
көл ғыламын көздің жасын бұлаумен.
Шаршап-талып бітер бекер әр күнің,
бала-шағаң қасына кеп құлаумен...
Өтіп жатыр,
Өтіп жатыр босқа күн,
амалсыздан айтам мұны, достарым.
Қазағымның қасиетті жырына,
көрік болар бір ауыз сөз қоспадым