Өлеңдер ✍️

  12.05.2022
  132


Автор: Сабырхан Асанов

Балапандай бас көтерген ұядан...

Балапандай бас көтерген ұядан,
сен бір гүлсің жаңа ашылған қиядан.
Құйтақандай болған саған, қалқам-ау,
сомадай боп қол созуға ұялам.
Жалбырасаң,
балбырасаң желге сен,
жанға тыным,
қанға тыным бермесең,
мен жүгіріп бара алмаймын қасыңа,
бара алмаймын,
өзің біліп келмесең.
Жалын десең,
жалынайын, сұрайын,
құла десең,
қос тізерлеп құлайын.
Бір-ақ рет бастап берші бұл жолды,
одан кейін өзім барып тұрайын...
Балапандай бас көтерген ұядан,
сен бір гүлсің жаңа ашылған қиядан.
Құйтақандай болған саған, қалқам-ау,
сомадай боп қол созуға ұялам.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу