Өлеңдер ✍️

Кеше ғана туған қыздар ер жетіп,
аты-жөнін біліп алды ел жетік.
Көпті көрген менің көне жүрегім,
мұңлы сырын отыр үнсіз тербетіп.
Көне жанды қыздар көзге ілер ме,
ілмек түгіл,
кім біледі, күлер ме.
Көкіректің гүлі ешқашан солмасын,
білер ме олар,
әй, білер ме, білер ме?!
Қайдан білсін түспеген соң басына,
соны сезіп қосылды ақ тал шашыма.
...Шақыршы бір солқ-солқ еткен, гүл жастық,
ең соңғы рет болса да өз қасыңа!