Өлеңдер ✍️
  12.05.2022
  107

Автор: Сабырхан Асанов

Қанағат жақсы, қанағат

Іліккің келсе жақсы атқа,
ісіңді ешбір ақсатпа!
Жетпей ме өзің сүйгенің,
сүйікті болу– мақсат па?!
Кірпіктен тамшы тамса да,
кісінің көңілін аңсама.
Тіректі сырттан іздеумен,
құлап бір жатқан қаншама.
Жақсының әлде көзісің,
әлде тап соның өзісің.
Сүйікті болу– кісі ісі,
біреуді сүю– өз ісің.
Айтпаймын сөзді балағат,
ойды арам лақтыр, далаға ат!
Күмәнді істі күткенше,
қанағат жақсы, қанағат!


  қанағат жақсы Сабырхан Асанов Сабырхан Асанов өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Сарыағашқа сені іздеп келген едім... ᐈ
  Жұрт жиналып, мен қырыққа толған күн... ᐈ
  Тағы да Шымкентте таң атырдым.... ᐈ
  Жастық шақтың өткендігі болды анық... ᐈ
  Жастық шағым өтті деп... ᐈ

Пікір жазу