Өлеңдер ✍️

  12.05.2022
  108


Автор: Сабырхан Асанов

Келе жатыр қызықтарын ертіп қыр...

Келе жатыр қызықтарын ертіп қыр,
құстар баққа ән-күйлерін шертіп тұр.
Мамасындай жас балалы ананың,
бұтақтарда бүршік біткен шертіп тұр.
Келді сөйтіп ай-қай көктем, ай көктем,
куанышқа,
шаттықтарға бай көктем.
Жастық шағым жап-жас қыз боп, жайнаңдап,
жаңа ғана қарап кетті әйнектен.
Жүрген жалғыз жүрегіне жүгініп,
жаңа қарап кеткен жанның үңіліп,
қалмайын деп қарасынан көз жазып,
шыдай алмай сыртқа шықтым жүгіріп...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу