Өлеңдер ✍️

  12.05.2022
  132


Автор: Сабырхан Асанов

Келе алмай жатыр бұл көктем...

Келе алмай жатыр бұл көктем,
аса алмай Алатаудан бұл.
Жауа алмай жатыр гүл көктен,
жарқылдап,
нұр боп жау, жаңбыр.
Түсші бір сөйтіп алшыңнан,
жоқ боп тұр басқа жұбаныш.
Сенің бір әрбір тамшыңнан,
жаралар ма екен қуаныш.
Қарсы алсын жас көк тік тұрып,
күбірлеп қатсын көл бір үн.
Жасындай көздің тұп-тұнық,
көкейді тескен мөлдірім.
Төге бер,
текші танбастан,
тарқамас қызық, базарсың.
Жанында қылау қалмастан,
тіршілік, шіркін, тазарсын.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу