Өлеңдер ✍️

Өлең аман тұрғанда мен өлмеймін,
сондықтан да өлгенге теңелмеймін.
Болғаныммен өзім жоқ, өлеңім бар,
ұзақ ғұмыр, бір ғұмыр келер деймін.
Бәрі өткінші көрінер бір қарасақ,
бұл адамның болмыс-ау білгені осы-ақ,
таңғы шықпен, гүлменен, күн нұрымен,
жер бетінде қалармын бірге жасап.
Күлдіргенін
қайтейін жылатқанын,
мәңгіліктен мен қазір жырақтамын,
білген жанға, бірдеңе түйген жанға,
өзімді емес, өзгені жұбатқаным.