Өлеңдер ✍️

  12.05.2022
  105


Автор: Сабырхан Асанов

Бітті ме ойнағаны...

Бітті ме ойнағаны,
бітті ме тойлағаны,
түнімен кірпік ілмей,
жұлдыздар ойланады.
Қанша мұң келіп қонып,
кеудемді керіп, толып,
көз ілмей жатам мен де,
соларға серік болып.
Тағдырдың
зарлы мына
кім көнбес жарлығына.
Шүкірлік етем кейде,
жұлдыздың барлығына.
Бітті ме ойнағаны,
бітті ме тойлағаны,
түнімен кірпік ілмей,
жұлдыздар ойланады.
Жарқырап алабөтен,
таң алды жанады екен.
Таң ата түсем бірге
төгіліп далама кең..




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу