Өлеңдер ✍️

Әкесіз қалғалы– әкелілерге қызығам,
шешесіз қалғалы– шешелілерге қызығам.
Өмір деген өзгермейтін ешқашан,
көз көрмейтін бас-аяғы қызық ән.
Алматыда,
Алатауда алмалы,
біраз болды мен сол әнді салғалы.
Әкемді алған,
шешемді алған сол бір ән,
ебін тауып мені де жүр алғалы.
Әуезімен бойды билеп келе ме-ай?
жандырмақ боп жүрегіме ене ме-ай?
Жалғап айға,
адамдарға нұрымды,
берілмеспін бірақ оған мен оңай...