Өлеңдер ✍️

  12.05.2022
  112


Автор: Сабырхан Асанов

Сағынамын өтіп кеткен күнді ойлап...

Сағынамын өтіп кеткен күнді ойлап,
салған асыр,
салған ойнақ, күнде ойнақ.
Қиялымда күлімдейді жап-жас қыз,
сағынбақпын одан басқа кімді ойлап?!
Сағынамын,
одан басқа дейін не,
кейде елең еткеніммен кей үнге,
Таңғы Алатау,
тап-таза гүл,
таңғы шық,
бәрі, бәрі қалып қойды кейінде.
Сағынамын,
сағынатын келді рет,
қатарым да қалғандай ма селдіреп.
Менің көзім жасындай боп сол бір шақ,
көз ұшынан көрінеді мөлдіреп...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу