Өлеңдер ✍️

  12.05.2022
  106


Автор: Сабырхан Асанов

Ілтипаттан қалдым мына жасқанып...

Ілтипаттан қалдым мына жасқанып,
көңілімді де бір уайым басты анық.
Автобуста «отырыңыз, аға» деп,
ұл мен қыздар орын бере бастады.
Шыныменен біткені ме жас күнім,
жылдар, жылдар істеді ме «қастығын».
Жер жүзіне жаз күніндей жайраңдап,
нұр шашатын көзім бүгін шашты мұң.
Жан едім ғой ешкімге ищай деспеген,
ақ таңда да,
қызылала кеште мен.
...Қарттық мені онда күтіп тұрғандай,
автобусқа кіруден де сескенем.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу