Өлеңдер ✍️

  12.05.2022
  79


Автор: Сабырхан Асанов

Неге азайып кетті аспанда құстар бұл...

Неге азайып кетті аспанда құстар бұл,
жылы жаққа барып ыңғай қыстар бір.
Бомбей ме еді,
барар жері Дели ме,
әлде, әлде,
аңыздай бір Стамбул.
Неге азайып кетті аспанда құстар бұл.
Болмағанмен жылап өскен жетім де,
қалтыраймын күзгі желдің өтінде.
Кеткелі құс аспанда бұл азайып,
жалғызсырап кеттім жердің бетінде.
болмағанмен жылап өскен жетім де.
Құстар, құстар,
көбейіп бір қайтыңдар,
жарқыраған күндіздер бар, ай–түн бар.
Қиқуласып көктем мен күз төбемде,
жалғыз емес екенімді айтыңдар.
Құстар, құстар,
көбейіп бір қайтыңдар?




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу