Өлеңдер ✍️

  12.05.2022
  140


Автор: Сабырхан Асанов

Жаздағы жасыл жапырақ...

Жаздағы жасыл жапырақ,
сарғайып күзде құлады.
Сағыныш буған атырап,
сыңсып бір тұрып жылады.
Күндерге кеткен айтты алғыс,
сыңқылдап таудың бұлағы.
Қиқуға басса қайтқан құс
құлағым содан тұнады.
Қой-қойға енді көнбестей,
жаңбырда төпеп жауды кеп.
Көктемді қайтып көрместей,
жанарым тұрды жәудіреп.
Әзірге қыстың алдағы,
білінбесе дағы ызғары.
Түсіп бір сезіп салмағы,
жүрегім қанша сыздады.
Жаздағы жасыл жапырақ,
сарғайып күзде құлады.
Сағыныш буған атырап,
сыңсып бір тұрып жылады




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу