Өлеңдер ✍️

Көрмеген соң күтім көп,
деу қиын аспан бүтін деп.
Жаңбырдан соң жатты үнсіз,
Алатау басы түтіндеп.
Таппаған соң жан сабыр,
көз тіктік шыңға қанша бір.
Арасында от жағып,
отырғандай малшы ауыл.
Қасында күлсе атқан таң,
жұлдызы бірде жаққан шам.
Сол ауылда жүргендей,
бұрала басып ақ қалқам.
Көп гүлдер өсіп, қауласып,
көп ошақ оты лауласып,
Жатады солай түтіндеп,
жаңбырдан соң тау басы.
Қасынан ұзап кете алмай,
не айла, амал ете алмай,
қызықсам дағы канша оған,
жете алмай жүрмін, жете алмай..