Өлеңдер ✍️

  12.05.2022
  364


Автор: Сабырхан Асанов

Ізтілеуім қайтыс боп

Аппағын-ай Алатаудың, ақ таудың,
жарасады не түрі оған мақтаудың.
...Алыстағы Ізтілеуім қайтыс боп,
құлағыма келеді үні жоқтаудың.
Жарқыраған күн нұры ерек таралды,
жадыратқан барлық жанды, жаранды.
...Ауылдағы Ізтілеуім қайтыс боп,
менің ғана көңілім бүгін қараңғы.
Бөркіңді ал да, мейлі аспанға лақтыр,
қуаныш көп,
күлкі қанша... құлақ түр.
...Айналайын Ізтілеуім қайтыс боп,
менің ғана ішім бүгін жылап тұр...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу