Өлеңдер ✍️

Алғанменен алты алаш азат ғұмыр,
қайда қоям қалмайтын азапты бұл.
Сөзбен қалай, қайтып мен түземекпін,
Абай түзей алмаған қазақты бұл.
Осы уайым шықпайды кіл есімнен,
сондықтан да кем ұйқтап, күлесің кем.
Ақты ақ деп дәлелдей алмаған соң,
біздің дағы күн өтер тіресумен.
Қысы-жазы құлпырар мінсіз өңір,
ырза болып болысар кім сізге бір.
Жанарымда жас болып тұрар тұнып,
бас бармағын шайнаған құнсыз өмір