Өлеңдер ✍️

  11.05.2022
  107


Автор: Қаршыға Есімсейітова

Арнасынан асып - тасқан сезімнің...

Арнасынан асып - тасқан сезімнің,
Неге маған бір тамшысын қимадың.
Алып - ұшып Сені сүйген кезімнің,
Балдай тәтті сәттерін тек жинадым...
Жаздым, жаздым... өзім үшін жұбаныш,
Сені мүлде селт еткізбес жырларым,
Шырылдаған жан - дүниеме қуаныш,
Өлең болып өрілген мұң сырларым.
Тәкаппарлау жүрек бүгін егілді,
Нені аңсады нені күтті беймәлім.
Өлеңіме барлық шындық төгілді,
Түсінбес тек сезімсіздер кей мәнін...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу