Өлеңдер ✍️

Өлеңге құмбыл інімсің, Бегжан Әшірбай.
Сыртыңнан тілеу тілеймін тек жанашырдай
Ізетпен келдің өнерге біреулер құсап
Найзаңды бұлғап, беліңе қанжар асынбай.
Өлеңге көркем айналып шіркін балалық
Саған да келіп қалды ма бір күнде ағалық?
Кеше емес пе еді ән жазып жүргенің мұңды
Көршінің қызы көшкенде жұртында қалып.
Уайым баса қойыпты еңсеңді міні,
Зулайды солай уақыттың өлшемді күні.
Сәрсенбі күні түсініп жүргенбіз деуші ем
Айтыста айтқан сөзіңді сен сенбі күні.
Әніңнің сірә өлеңге пайдасы басым,
Әуенің әсем өлтірмей ойды асырасын.
Жүре тұр осы жайлауда қызығын қуып,
Күз сенен қашар деймісің.
Қайда асығасың?