Өлеңдер ✍️

Шырақтай сөніп,
Шырпыдай жанам,
Жар бола көрші бір құдай маған!
Тұтанбай қалсам суланып білтем
Түнекке толар бір күні айналам!
Жылата қоймас аруды бекер,
Қолтықтап біреу жарымды кетер.
Мәпелеп гүлін өсірген бақты
Шаруа біреу шабындық етер.
Сезермін,
Қайсы бірақ та шамам?
Қураған тәннен жырақта санам.
Кеудемнен басып тұрғызбас мені
Көр дейтін мәңгі тұрақ босағам...
Сыбағам осы тәңірден жазған,
Туған жоқ пенде өмірден озған.
Опынып бірақ таппайсың айла,
Қайратым барда қабір де қазбан!
Қиратпас ешкім тәңір қамалын,
Сындырмас суық қабырғаларын.
Құдіретіңе жүгінем, Аллаһ,
Тұрғанда тасып тамырда қаным!