Өлеңдер ✍️

  10.05.2022
  104


Автор: Жүрсін Ерман

Қызғалдаққа

Қанеки тырбаңдаған сиқың кәні,
Талтүсте ашпапсың ғой ұйқыңды әлі.
Санаңды тал бесіктей тербете ме
Мамаңның маужыраған сүйкімді әні.
Бөбегім, ашпаймысың ұйқыңды шын,
Мамаң да, ән де, сен де сүйкімдісің.
Осынау бақыт-шақтың қасиетін
Сен әлі түсінбейсің, ей тұңғышым!
Шалт етіп шаттығының шамы сөнген
Сан тағдыр қасіретіне таныс ем мен
Бақытым ұзағынан сүйіндіргей,
Мен осы қызығыма әлі сенбен!
Ақ сүтін бойымызға дарытып ел
Қойыпты үшеуімізді жарытып ел:
Мен – бармын, сендер – барсың,
Отан да – бар,
Апыр-ау, шыныменен бәрі түгел!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу