👈 қаріп өлшемі 👉

  Өлеңдер ✍️

  10.05.2022
  36


Автор: Гүлбақыт Қасен

Бақытты ана

Тынбай сүйреп жанұяның кемесін,
Толқындардан қорғап, Ана, келесің.
Таусылмайтын қайратың бар жігермен,
Тәңір Алла қуат берсін, демесін.
Бақытты ана,
бағың гүлдеп жайқалған,
Бейнет түбі зейнет болып байқалған.
Бар тауқымет қуанышқа айналып,
Бесік жырмен тербетілді айтар ән.
Ұл-қызыңыз бір-бір төбе көрінген,
Шөберелер орын алған төріңнен.
Жүрек бірге, сағынғанда ойласаң,
Ойың онға, санаң санға бөлінген.
Бақытты ана,
берекеңіз тасыған,
Ақылыңыз көкейде зер басылған.
Аман-есен ортамызда жүріңіз,
Ғұмырыңыз асса екен ғасырдан.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы