👈 қаріп өлшемі 👉

  Өлеңдер ✍️

  10.05.2022
  25


Автор: Гүлбақыт Қасен

Астанам

Береке-бірліктің ұшқыны басталған,
Айналар аңызға, дастанға - Астанам,
Таза да кіршіксіз, сымбатты келбетің,
Жігерлі жастарды асырар асқардан.
Арналып асқақ ән, төгіліп жыр лағыл,
Төріңде отырар ұлы Абай, жыр Жамбыл.
Сәулетің асқақтар болашақ үнімен,
Алмасып ғасырлар, қосылып жылға-жыл.
Астанам – өскелең ұрпақтың мекені,
Ұл-қызың мәңгілік мақтаныш етеді.
Бақытын болжаған кең пейіл қазақтың
Өзіңмен гүлдене береді ертеңі.
Өркендеп өсе бер, қазақтың қаласы,
Абылай жол салған азаттық даласы.
Ақорда - тірегі, жүрегі елімнің,
Ерке Есіл - елдіктің суыны, қарашы.
Досына айқара ашатын есігін,
Тыныштық тербесін жас қала бесігін.
Шартарап сәніңе тамсана қарасын,
Тарихқа жазылсын алтынмен есімің!


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы