Өлеңдер ✍️

  10.05.2022
  162


Автор: Гүлбақыт Қасен

Қоңырөлең

Құтты қоныс – Жаркентімнің аймағы,
Қазағымның берекесі, қаймағы.
Есіміне Күн де құштар, Ай дағы –
Қоңырөлең.
Жайлаудан бір, кем түспейтін ауыл бар,
Сол ауылда ағайын бар, бауыр бар.
Мекен болған ақжарқын ел, қауымға –
Қоңырөлең.
Шөбі шүйгін, жусанды жер, құнарлы,
Бал-бұлағы қандырады құмарды.
Топырағы қасиетті тұмарлы –
Қоңырөлең.
Сәттерімде жабырқаған, жасыған,
Атақоныс жерім ғой деп асығам.
Берекелі, ырысы мол тасыған –
Қоңырөлең.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу