Өлеңдер ✍️

  09.05.2022
  83


Автор: Сабыр Адай

Қаралы қасқалдақ

Қасқалдақ көлден қанат сермесін кеп,
Сұр мерген атып салды ерге сын деп.
Көлбақа көл түбіне кетті қашып,
Құдайым мұндай күнді бермесін деп.
Əй, мерген!..Бұл байғұсты бостан аттың!
Құсыңды өзің тіккен қостан аттың.
Бүлкілдеп соғып жатты бүршік жүрек,
Астында қан-қан болған қос қанаттың.
Бүр жарған, бүршік жарған, тектен ғұмыр,
Ілінген нысанаға неткен ғұмыр.
Қапыда қасқалдағым көлден ұшып,
Күлкі боп көлбақаға кеткен ғұмыр.
Сұр мерген жаудан оқты сұрап алды.
Қай атаңнан бұл əдет, мұра қалды!?
Осыныңды Сен қашан қоясың деп,
Көп торғай тізілісіп тұра қалды.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу