Өлеңдер ✍️

  09.05.2022
  131


Автор: Сабыр Адай

Қазекеңе

Ақылды кім, ақымақ кім кеш білер,
Білсе-дағы үндемейді естілер.
Мүйізі мен бұлдап-бұлдап сақалын,
Қой бастайтын болып алды ешкілер.
Қойлар солай жолын беріп жеңілді,
Жат билесе жарға жығар еліңді.
Төбе сайын бүйен қатып Серкелер,
Семіздіктен бір басуға ерінді.
Қасқыр келді қашып ала жөнелді,
Қасқа қойлар жол бастатты не көрді.
Ит аулада, мысық үйде бұлданып,
Кешіп бітті, тесіп бітті төбемді.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу