Өлеңдер ✍️

  07.05.2022
  119


Автор: Ғалым Бисембіұлы ӘРІП

Не деген мейрамхана, мейрамхана...

Не деген мейрамхана, мейрамхана,
Көңілді көтерердей сайранхана.
Үнді, қытай, түрік, кәріс... кухнясы,
Жетіспес шұбат, қымыз, айран ғана...
Аз емес көз тоярдай жерікке ас,
Көңілің болар дейсің көрікке мас...
Жат жерде жүгіне гөр сабырға дос,
Ес жиып, еркелікпен желікпе жас.
Сыры көп алыс қиян, жат өңірдің,
Келместей бір сәтке де қате жүргің.
Жан-жақтан дуылдайды қалың қауым,
Түрі бар неше тілдің, бөтен үннің...
Біз деген сабырлымыз, салқындаумыз,
(Бұйырса, туған елде жарқылдармыз).
«Бұл біздің мәдениет» дегендейін,
Негрдің құшағында алтын шаш қыз...
Алтын шаш шамалыны арбамай ма,
Ұшпасын беу, жігітім, арман Айға...
Қойшы оны,
ал қазақтың басын қосар,
Бауырым, Лондонда орта қайда?!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу