Өлеңдер ✍️

  07.05.2022
  84


Автор: Ғалым Бисембіұлы ӘРІП

Мен-дағы Одақтың бір бөлшегімін...

Мен-дағы Одақтың бір бөлшегімін,
Ақтағым келер дәйім ел сенімін.
Жырлатқан жүрегімді бала күннен,
Поэзия, Өзіңсің, жан серігім.
Сен мені тебірентіп, тасындырдың,
Сен менің сезімімсің, асыл құрбым.
Одақтың кірдім жәйлап есігінен,
Бойдағы демеуімен жасын жырдың.
Бұл Одақ – қақ төрі ғой ұлылардың,
(Қадірі, қасиетін ұғынар кім?!)
Бұл жерде алабөтен күшке енермін,
Бұл жерден тым ерекше сыр ұғармын.
Ұлтының ұлылығы кеудесінде-
Бұл Одақ – алыптардың бейнесінде.
Естілер тұлпарлардың тұяқтары-
Киелі сөз өнері бәйгесінде...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу