Өлеңдер ✍️

  07.05.2022
  91


Автор: Ғалым Бисембіұлы ӘРІП

Жатақхана, АГМИ, педфак қандай...


Жатақхана, АГМИ, педфак қандай,
Ақының осы жерден бақ тапқандай.
Жас ару, қос жанарың жымыңдайды,
Лаулатып жүрегіме от жаққандай.
Мен саған ғашық едім... ес танардай,
Көңілім... көрсем сені мас болардай...
Қоштасып кеткен едік Маңғыстауда,
Ойласам, жанарымнан жас тамардай...
Жас тамса, мәлім маған тыя алмасым,
Жолыққан қайта оралып, қия алмасым.
Сен менің жарым болдың мәңгілікке,
Жүрегім әлі толқыр – қиялдасың...
Ойласам қоштасуды жаным сыздар,
Тағдырым түйіскені бағым шығар...
Гүлсара, Гүлжан, Рабиға, Такура-
Қайда екен қасыңдағы тәуір қыздар?
Бар еді-ау өзінше бір әлеміңіз,
Ақтауда Кенже менен Дәмелі қыз...
Гүлдерден Алматыда көз тұнатын,
Көрмедім, бірақ сенен әдемі қыз...





Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу