Өлеңдер ✍️

Қылығың жоқ еді ғой ерегеспе,
(Болсаң да бейім кейде төбелеске...)
«Думан» мен «Шолпан» сынды
сырахана-
Сырласқан талай біздер жер емес пе?
Бақ күтіп қиялда қыз, арман күшті,
Аңсадың Алматыда аппақ құсты.
Ақыры Күләйханға жолықтың да,
Қанатың самғай-самғай елге ұшты.
Ей, Баха, Алматыда не көрмедік,
(Кім білсін, алқаш болып кетер ме едік?)
Кім білсін, биіктерге жетер ме едік,
Өкініп өмір бойы өтер ме едік?
Бір кезде күн кешсек те астанада
(Алматы),
Бәрібір жарымадық баспанаға.
Екеуміз сосын елге көш түзедік,
Алматы бұйырған ғой басқаларға...