Өлеңдер ✍️

  07.05.2022
  83


Автор: Ғалым Бисембіұлы ӘРІП

Өмір деген қарасаң әр күні аңыз

Өмір деген қарасаң әр күні аңыз,
Достар барда қалайша сарқыламыз?
Күн кешпейік күндікші, қара мыстан,
Дүниенің достықта парқы нағыз.
Көзің салсаң, көз тұнар келбетіне,
Алматыдай қала жоқ жер бетінде!
Перілер де осында, серілер де,
Құшақ жайып қарсы алар келгенімде.
Алматыда өткізген күндерім көп,
Артар, бірақ, жайым бар кімге міндет?
Азаматтар алдымнан ақ жарылып,
Жанарбекке бұрады бүйрегім көп.
Балбұлақтың көзіндей тұнығының,
Әр ісінің таныдым ірілігін.
Жанарбектің жасыны – жанарында,
Жанымызға құяды жылылығын.
Жігіттіктің биігін бағындырып,
Бильярдты да ойнайсың қағындырып.
Ұзақ-ұзақ көрмесем, бауырым-ау,
Көзден тайып кетесің сағындырып.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу