Өлеңдер ✍️
Өлеңдер ✍️
06.05.2022
131
Жыр оқысам
Жыр оқысам жадырайды қабағым,
жыр оқысам нұрланады жанарым.
Мен өмірдің лəззатын, қызығын
жақсы жырдың жолдарынан табамын.
Əрбір күннің қайталанбас жыры бар,
əр жүректің айта алмайтын сыры бар.
Білетіндер тіршіліктің қадірін
жақсы жырдың жолдарынан ұғынар.
Жыр оқысам, жаңа ашылған гүлдеймін,
көктемдегі сəулесі мол күндеймін.
Жыр оқысам, ынтығамын өмірге,
қайғыруды, жабығуды білмеймін.
Әлеуметтік желілерде бөлісіңіз:
Facebook | VK | WhatsApp | Telegram | Twitter