Өлеңдер ✍️

  04.05.2022
  75


Автор: Ерік Нарын

* * *

Шашыңды  сенің көрпе қып,


Ұйқыға кетер тіршілік.


Отыңа лаулап, өртеніп,


Келеді тағы күн шығып.


 


Гүлдер де саған еліктеп,


Әр таңда билеп жайқалар.


Нөсерін бұлттар төгіп кеп,


Өзіңді көріп жай табар.


 


Сені ойлап өтсе бір күнім,


Кеудеме дүрсіл сыймайды үн. 


Бақыттың теріп түр-түрін.


Өзіңе гүл қып сыйлаймын.


 


Толқиды көңіл көлдері,


Оның да сырын түн білген.


Өзіңді жаным көргелі,


Қанатсыз ұшып жүрмін мен!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу