Өлеңдер ✍️

  03.05.2022
  110


Автор: Гүлманат Әуелхан

Мен аңсаған ол көктем алыстады

Мен аңсаған ол көктем алыстады,
Тағдыр солай таңдарға табыстады.
Айдың көріп суретін су бетінен,
Арманыма қол создым ғарыштағы.
Нұрын үйіп төгеді, тағы күн кеп.
Махаббаттың, санамда бағы гүлдеп.
Өмір тұрар қуану, жұбанудан
Сенімімнің шырағын жағып, үрлеп.
Қажыып көңіл даңғазамен, мақтаннан,
Шытынадым, шағылуға шақ қалғам.
Көкке қарап бар сырымды ақтарғам,
Заманалар тамырында аққан қан.
Мезгілдердің қабағынан сыр ұғып,
Алға қарай сүйрелейтін бір үміт.
Жанарымның жұлдыздары шашырайды)
Уақыттың кірпігіне ілініп.
...
Мен сүйетін ол көктем алыстады,
Тағдыр солай таңдарға табыстады.
Айдың көріп суретін су бетінен,
Арманыма қол создым ғарыштағы.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу