Өлеңдер ✍️

  15.04.2022
  74


Автор: Қалижан Бекхожин

ҚAРАЙМЫН

Қараймын сонау асқарға
Құзар басын қар шалған.
Бурыл бүркіт аспанға,
Ұшар ма деп қарсаңнан.
 Боранды жарып шүйіліп,
Асар ма құз-құз құзардан?
Әлде түтек үйіріп,
Қайраңдар ма боз тарлан?
Қия жартас тұғырдан,
Мұз топшысы сықырлап,
Самғап еді-ау, зымырап,
Жай астында қиқу сап.
Қайран көктің серісі,
Қаншама сүргін тау астың?
Кереметтің өрі үшін
Сұрапылмен таластың.
Көгінде тағы зулар ма,
Кезер ме шулы қияны?
Соғылып әлде құздарға,
Мұқалды ма қияғы.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу